Ynskjer du å vere demonstrasjonsekvipasje på Inspirasjonshelga?

Å vere demonstrasjonsekvipasje er både nyttig og lærerikt. Gjennom den praktiske delen av Inspirasjonshelga får du høve til å få tilbakemeldingar frå nokre av dei mest røynde dommarane, kuskane og trenarane innan køyresporten. Demonstrasjonane vil danne grunnlag for faglege diskusjonar om korleis vi kan køyre betre, trene betre og dømme betre.

Dette får du som demonstrasjonsekvipasje

Som demonstrasjonsekvipasje får du og groomen din:

• gratis deltaking på Inspirasjonshelga
• gratis oppstalling på Stavsplassen
• alle måltid gjennom helga
• moglegheit for reisestøtte

SU-K har løyvd 12 000 kroner til reisestøtte. Midlane blir fordelte prosentvis etter dokumenterte reisekostnader.

Kven ser vi etter?

Vi ønskjer eit breitt og representativt utval av ekvipasjar, og oppmodar både nye og erfarne kuskar til å melde interesse.

Vi ønskjer mellom anna:

• ulike rasar
• ekvipasjar på alle nivå, frå utdanning til vanskeleg klasse
• einspann, tospann og særleg fleirspann

Utvalet av demonstrasjonsekvipasjar blir gjort med mål om å skape størst mogleg fagleg utbyte for alle deltakarane på Inspirasjonshelga.

Påmelding

Ynskjer du å vere demonstrasjonsekvipasje, melder du deg på via skjemaet nedanfor.

Påmeldingsfrist er 1. september.

Demonstrasjonsekvipasjane som blir valde ut, får beskjed kort tid etter at påmeldingsfristen har gått ut. Blir du ikkje vald ut, kan du framleis melde deg på Inspirasjonshelga som ordinær deltakar. Fristen for ordinær påmelding er 12. september.

➡️ Meld deg på som demonstrasjonsekvipasje her:
https://forms.gle/McKKxCKQCfmkDSQZ6

Har du spørsmål, kan du kontakte TKK ved Janne Hetle på telefon 924 41 175.

Vil du delta på Inspirasjonshelga utan å vere demonstrasjonsekvipasje? Då finn du informasjon og påmelding i hovudartikkelen:

➡️ https://www.rytter.no/nyheter/pamelding-er-open-til-inspirasjonshelga-2026