Påmelding er open til Inspirasjonshelga 2026

Mange har etterlyst ein arena der kuskar, trenarar, teknisk personell og andre med interesse for sportskøyring kan møtast for å dele erfaringar og kunnskap. No inviterer TKK og SU-K til den første Inspirasjonshelga – med mål om at dette skal bli ein årleg tradisjon.

Årets tema er:

Korleis kan vi bli betre?

Gjennom korte faglege innlegg frå røynde dommarar, kuskar og trenarar, kombinert med praktisk arbeid rundt demonstrasjonsekvipasjar, skal vi utforske korleis vi kan køyre betre, trene betre og dømme betre.

Kven passar helga for?

Inspirasjonshelga er for alle som har interesse for køyresport, mellom anna:

• kuskar
• trenarar
• teknisk personell
• funksjonærar
• arrangørar
• groomar
• andre engasjerte i køyremiljøet

For teknisk personell er Inspirasjonshelga kompetansegjevande – også for teknisk personell som ikkje dømmer dressur.

Praktisk informasjon

• 📅 3.–4. oktober 2026
• 📍 Stav Køyre- og Rideklubb
• Oppstart laurdag kl. 09.00
• Avslutning søndag om lag kl. 15.00
• Uformell samankomst fredag kveld for dei som kjem tidleg.

Meir informasjon og endeleg program blir sendt ut i forkant av helga.

Påmeldingsfrist: 12. september

Pris

• Ordinær deltakar: 500 kroner (inkluderer kaffi/te og pausemat)
• Ungdom (fødde i 2008 eller seinare): 200 kroner (inkluderer kaffi/te og pausemat)
• Demonstrasjonsekvipasjar som blir valde ut, med groom: Gratis

Lunsj laurdag og søndag, og middag laurdag, kjem i tillegg. Informasjon om bestilling og betaling blir sendt ut etter at påmeldingsfristen har gått ut.

Overnatting blir bestilt av den enkelte. Vi kan anbefale Stavsplassen Camping og Mageli Camping.

Påmelding

Er du teknisk personell?

➡️ Meld deg på her: https://www.minidrett.no/kurs/22944957

Er du ikkje teknisk personell?

➡️ Meld deg på her: https://www.letsreg.com/no/event/pamelding_til_inspirasjonshelga_2026_03102026#init

Vil du vere demonstrasjonsekvipasje?

Vi søkjer demonstrasjonsekvipasjar til den praktiske delen av Inspirasjonshelga. Påmeldingsfristen er 1. september. Blir du ikkje vald ut, kan du framleis melde deg på som ordinær deltakar fram til 12. september.

Les meir om demonstrasjonsekvipasjar og meld interesse her:

➡️ https://www.rytter.no/nyheter/ynskjer-du-a-vere-demonstrasjonsekvipasje-pa-inspirasjonshelga

Har du spørsmål, kan du kontakte TKK ved Janne Hetle på telefon 924 41 175.

Vel møtt til Inspirasjonshelga 2026!